Zuwa Ga Mai Daraja Gwamnan Jihar Zamfara a Kan Makomar Jihar

-


Zamfara jihace wadda a cikin kasar nan idon akayi magana a kan zaman lafiya ita ce kan gaba kafin wasu jihohi, shekaru 20 da suka gaba ta, duk wani dan jihar Zamfara idon zai kwanta bacci baya rufe gidansa. Mafi yawa daga cikin gidajen al'umma a wancen lokaci bud'e suke kwana har safe, saboda zaman lafiya. A wancen lokacin komai dare mutum baya jin tsoron tashi daga wannan gari zuwa wancen, daga wannan unguwa zuwa waccen, domin baya tsaron komai. 

A wancen lokacin dabbobi suna kwana a cikin daji, alhali mai su yana cikin gari hankalinsa akwance a natse! Baya tsoro wani abu. 

Dukkan kasuwannin dake fadin jihar suna gudana cikin dadin rai, duk da ana kallon a wancen lokacin kamar arziki bai yilwatu ba a cikin al'umma, amma zaman lafiya ya samu, kwanciyar hankali a ko'ina. Al'umma suna gudanar da rayuwarsu irin yadda suke so, babu tsamgwama, babu hantara, ko kyara!

Kaiconmu!

Duk wanda ya rayu a wancen lokacin, kuma yana raye a yanzu, ya ga abin mamaki da fargaba. Ganin irin yadda komai ya tab'arb'are dole ya zubar da hawaye, domin ko a cikin bacci dan Zamfara bai tab'a yin mafarkin zai samu kansa a cikin wannan yanayi ba. 

Sanadiyar matsalar tsaro dake damunmu a jihar Zamfara, komai ya lalace. Kasancewar babu yadda za'ayi a samu arziki da salama babu zaman lafiya. Zaman lafiya shine kashin bayan ci gaba kowace al'umma a rayuwa. 

Yanzu kauyuka da birane babu yadda a tsakaninsu, al'ummomi babu yadda. Ba a ga-maciji tsakanin manoma da Fulani makiyaya. Akwai tada hankali idan ana lissafa dubban mutanen da sunka rasa rayukansu hadi da cilastawa dubban wasu jama'ar barin muhallansu, kuma milyoyin nairori da anka tafka asara sakamakon wannan mumman tashin hankali basu lissafuwa.

Babu shakka lokaci yayi da ya kamata a cire siyasa, a tashi tsaye kai da fata, wajen samar da zaman lafiya a tsakanin al'umma. 

Babban burin talaka duk baifi a samar masa da zaman lafiya ba, a baiwa 'ya'yansa ilimi, a samar masa da ruwan sha, da hanyoyi da kuma kula da lafiyarsa, amma wannan ya gagara. Kaicon talaka a yau! 

Idon gari babu al'umma, ta yaya za'a samu jagora? Idon gari babu jama'a ta yaya za'a samu jin dadin shugabanci? Idon babu zaman lafiya ta yaya za a samu arziki ? Duk lokacin da al'umma sun ka kasance cikin fargaba da tashin hankali, to babu yadda za'ayi komai ya daidaita.

A bisa wannan nake kira ga shugabannimu a mataki daban-daban da cewa ya kamata suji tsoron Allah, kuma su san komai dadewa inda rayuwar talaka ta tafi, suma komai dadewa dole su bakunci wajen, kuma Allah ya nan madakata. Ya kamata su dawo cikin haiyacinsu, su hada kansu, su tsaya da murya daya, a matsayin tsintsinya madauri daya domin su kawo mana karshe wannan tashin hankali.

Wallahi wallahi al'umma suna cikin tashin hankali da fargaba, musamman mazauna kauyuka, wallahi basu iya bacci idon dare yayi , wasun su a daji suke bacci saman bishiyoyi. 

Muna kira da babbar murya da a daina sanya siyasa a cikin harkar tsaro, domin sanya siyasa a ciki baya kaiwa ga nasara. Al'ummarmu suna bukatar agaji. A taimaka don Girman Allah!

Ya ubangiji muna rokonka da sunayenka masu tsarki, da suffofinka madaukaka, ya Allah ka kawo mana zaman lafiya da aminci a jiharmu ta Zamfara, Arewa da Najeriya baki daya. Ya Allah ba don halinmu ba. Ka zama gatanmu.

Daga Nura Muhammad Mai Apple Gusau 

Comments

Post a Comment

Popular posts from this blog

Babban burinmu a wannan shekara ta 2020

-
Image
Masana sun ce daga cikin abubuwan da suka sa dan Adam yin galaba a kan sauran halittu shi ne yadda yake iya hada kai. Don mutum shi kadai ba zai iya gwada karfi da zaki ko giwa ba. Amma idan ya hada karfi da sauran ‘yan uwansa babu kalubalen da ba za su iya tinkara ba. Hadin kai kuma ba ya tabbata sai da yarda, kuma yarda sai da mu’amala. Masu hikimar magana sun ce, Allah Ya halicce mu da kunne biyu, ido biyu amma sai ya yi mu da baki daya domin mu kalla, mu kuma saurara fiye da yadda muke magana.  Amma sai ya kasance cewa mun fi son yin magana fiye da saurare. Sau da yawa idan muna tattaunawa da wadansu ba ma mayar da hankali kan abin da ake fadi. Kawai jira muke mutum ya kai aya - idan ba mu katse shi ba kenan, domin mu fadi namu ra’ayin. Ga shi kuma ba mu son jin ra’ayoyin da suka sha bamban da namu. To ina za a samu fahimtar juna har a yi aiki tare?  Babu wanda rayuwarsa iri ɗaya da ta wani, kowa da irin  jarabawar shi,  kowa kuma da irin ta shi f...
Read more

Zaben 2019: Kungiyar Kabilar Ibo Ta Gindaya Wa Shugaba Buhari Sharadi Mai sauri

-
Image
​ Kungiyar ta gindayawa shugaban kasa sharadi da cewar, in har yana son goyon bayan su a zaben 2019 to sai ya sauya kujerar da mataimakin sa Farfesa Yemi Osinbajo yake kai a yanzu da wani dan kabilar su na yankin Kudu maso Gabashin kasar nan Majiyarmu  ta fahimci wannan sharadi ya zo ne bayan da shugaba Buhari ya yanke shawarar ziyartar jihohin Kudu maso gabashin kasar a makonnin da suka gabata. A wani rahoto da sanadin shugaban kungiyar Chilos Godsent da ya bayyana a birnin Owerri na jihar Imo, ya ce wannan ita kadai ce hanyar da jam’iyyar APC za ta samu goyon bayan su a zaben kasa na 2019. Godsent ya kara da cewa, jam’iyyar APC ta maishe da yankin na su saniyar ware wajen gudanar da shugabancin ta a kasar.
Read more

Nigeria: ‘Dole A Samar Da Wuraren Kiwo Na Musamman’

-
Image
​ A Najeriya, yayin da ake ci gaba da cece-kuce game da dokar hana kiwo da ta soma aiki a jihar Benue da ke arewa ta tsakiyar kasar, ministan noma da raya karkara na kasar Audu Ogbeh, ya shaida wa BBC cewa saboda rikicin da ake yawan samu tsakanin manoma da makiyaya, dole ne a kintsa makiyayan wuri guda, sannan za’a samar da wurare na musamman domin shanu inda za’a basu ciyawa da ruwa mai kyau. Ministan ya ce, idan har aka yi hakan, to su kansu makiyayan ba za su so su yi yawo ba, kuma ko ba komai an kare su daga barazanar masu satar shanu. Dangane da batun kafa dokar hana kiwo a jihar Benue, ministan ya ce matsin lambar mutane ne ya tilasta wa gwamnan jihar kafa wannan doka saboda tashe-tashen hankulan da ake samu tsakanin manoma da makiyaya a jihar. Mr Audu Ogbeh, ya ce nan ba da jimawa ba za’a fara aiki a wuraren kiwo na musamman da aka kebe, na farko a jihar Kano, sai kuma na jihar Neja. Ya ce da sannu a hankali mutane za su fahimci cewa lallai ana bukatar naman shan...
Read more