Rayuwa; me nene mararrabar Talaka da bawa a yau

-


idan muka yi tsinkaye muka bibiyi tarihi da kuma yadda rayuwar bayi ta kasance a shekaru da dama da suka gabata, zamu ga sun sha fama ba kaɗan ba, ta kowane fanni na rayuwa domin ana fataucin mutune kamar yadda mafarauta ke farautar dabbobin daji. Ana kama mutane daga wannan gari zuwa wancen, daga wannan kasa zuwa waccen, domin kaiwa a siyar, kuma aka dauki wannan a matsayin sana'a.

A wancen lokaci, idan ka siyo bawa a kasuwa, ya zama mamanlakinka, zaka kaishi a gidanka ne, ko gonarka koma duk inda kake bukatarsa domin yayi maka ayyukan da kake so, ko ya so ko bai so ba, wannan cilas ne a wuyansa.

To sai dai duk da haka, shi kuma mamalakin bawan ya zama wajibi a kansa cin sa da shansa kula da lafiyarsa da kuma wajan kwanansa, da tsare masa dukkanin bukatun yau da kullum.

Idan masu karatu zasu yi dogon nazari a kan wannan shimfidar zasu fahimce inda na dosa ko da kuwa ban iyar da furta abun da nake son furtawa ba.


Idan muka kalli yadda bayi a lokacin mulkin mallaka sun kayi rayuwa. Idan muka kalli yadda talakan Najeriya ke rayuwa a yau zasu dau wasu darusa masu matukar yawa.

Kamar; idan mukayi la'akari da yadda 'yan siyasa ke amfani da halsunansu wajan alkhawulla tare da yin dadin baki a duk lokacin da suke neman al'umma ido rufe, babu ko shakka abun ban tsoro ne. 'yan siyasa sun san lunguna da sakunan kauyuka da birane a lokacin yakin neman zabe, amma abunda ke ba jama'a mamaki shine yadda suke ɓacewa ɓat da zarar sun kai ga madafun iko.

A lokacin ne zasu fitar da dukkan tsare-tsaren da sun ka ga dama, wanda ya masu dadi, domin a lokacin da suka kai inda suke harare, suna sanya dukkan wani tsari wanda yayi daidai da muradunsu, ko da kuwa hakan zai jefa gwamman al'umma cikin halin ni-'ya'su.

A wannan zamani an mayar da rayuwar talaka ba a bakin komai ba, idan muka kalli yadda ake cigaba da kakabawa jama'a dokar kulle ba tare an samar masu da muhimman abubuwan da zasuyi amfani da su na yau da kullum ba, kasancewar ana tsoron kamuwa da cutar Korona mai saurin yaɗuwa, to amma kuma ba'ayi nazarin sakamakon haka mutane masu matukar yawa zasu iya kamuwa da cutar yunwa ba.

Idan muka kalli bayanin masana a sha'anin kiyon lafiya, sun tabbatar da mutum zai iya kamuwa da cutar Korona har ya warke ba tare da shi kanshi ya san ya kamu da cutar ba. To wannan kuma ya sha bamban da cutar yunwa, domin ita kan bayyana kuma ta aika mutum barzahu ba tare da bata lokaci ba.

Wani abu da ake yiwa talaka mai kama da kisan mummuke, a buge shi kuma a hanashi kuka, babu ko shakka ba za a samu cigaba ba har sai an samar da gyara.

Gyaran kuwa  a dauki al'umma a matsayin bai daya, sannan shugabanni suyi adalci ga talakawa, sannan su san abun tambaya ne a kan irin jagorancin da Allah madaukakin sarki ya basu. Su kuma talakawa wajibi ne su kasance masu nuna da'a da biyayya tare da barin la'antar shugabanni, wannan kawai ce hanyar da za'a bi domin ganin an samar da al'umma managarciyya abar alfahari.

Muna fatan Allah ya sanya tausayin shugabanni ga talakawa, mu kuma Allah ya bamu ikon yi masu biyayya daidai gwargwado. A ƙarshe muna Addu'ar Allah ya bamu lafiya da zama a Najeriya Afrika da ma duniya baki daya.

Daga Nura Mai Apple Gusau 08133376020

Comments

Post a Comment

Popular posts from this blog

Babban burinmu a wannan shekara ta 2020

-
Image
Masana sun ce daga cikin abubuwan da suka sa dan Adam yin galaba a kan sauran halittu shi ne yadda yake iya hada kai. Don mutum shi kadai ba zai iya gwada karfi da zaki ko giwa ba. Amma idan ya hada karfi da sauran ‘yan uwansa babu kalubalen da ba za su iya tinkara ba. Hadin kai kuma ba ya tabbata sai da yarda, kuma yarda sai da mu’amala. Masu hikimar magana sun ce, Allah Ya halicce mu da kunne biyu, ido biyu amma sai ya yi mu da baki daya domin mu kalla, mu kuma saurara fiye da yadda muke magana.  Amma sai ya kasance cewa mun fi son yin magana fiye da saurare. Sau da yawa idan muna tattaunawa da wadansu ba ma mayar da hankali kan abin da ake fadi. Kawai jira muke mutum ya kai aya - idan ba mu katse shi ba kenan, domin mu fadi namu ra’ayin. Ga shi kuma ba mu son jin ra’ayoyin da suka sha bamban da namu. To ina za a samu fahimtar juna har a yi aiki tare?  Babu wanda rayuwarsa iri ɗaya da ta wani, kowa da irin  jarabawar shi,  kowa kuma da irin ta shi f...
Read more

Zaben 2019: Kungiyar Kabilar Ibo Ta Gindaya Wa Shugaba Buhari Sharadi Mai sauri

-
Image
​ Kungiyar ta gindayawa shugaban kasa sharadi da cewar, in har yana son goyon bayan su a zaben 2019 to sai ya sauya kujerar da mataimakin sa Farfesa Yemi Osinbajo yake kai a yanzu da wani dan kabilar su na yankin Kudu maso Gabashin kasar nan Majiyarmu  ta fahimci wannan sharadi ya zo ne bayan da shugaba Buhari ya yanke shawarar ziyartar jihohin Kudu maso gabashin kasar a makonnin da suka gabata. A wani rahoto da sanadin shugaban kungiyar Chilos Godsent da ya bayyana a birnin Owerri na jihar Imo, ya ce wannan ita kadai ce hanyar da jam’iyyar APC za ta samu goyon bayan su a zaben kasa na 2019. Godsent ya kara da cewa, jam’iyyar APC ta maishe da yankin na su saniyar ware wajen gudanar da shugabancin ta a kasar.
Read more

Nigeria: ‘Dole A Samar Da Wuraren Kiwo Na Musamman’

-
Image
​ A Najeriya, yayin da ake ci gaba da cece-kuce game da dokar hana kiwo da ta soma aiki a jihar Benue da ke arewa ta tsakiyar kasar, ministan noma da raya karkara na kasar Audu Ogbeh, ya shaida wa BBC cewa saboda rikicin da ake yawan samu tsakanin manoma da makiyaya, dole ne a kintsa makiyayan wuri guda, sannan za’a samar da wurare na musamman domin shanu inda za’a basu ciyawa da ruwa mai kyau. Ministan ya ce, idan har aka yi hakan, to su kansu makiyayan ba za su so su yi yawo ba, kuma ko ba komai an kare su daga barazanar masu satar shanu. Dangane da batun kafa dokar hana kiwo a jihar Benue, ministan ya ce matsin lambar mutane ne ya tilasta wa gwamnan jihar kafa wannan doka saboda tashe-tashen hankulan da ake samu tsakanin manoma da makiyaya a jihar. Mr Audu Ogbeh, ya ce nan ba da jimawa ba za’a fara aiki a wuraren kiwo na musamman da aka kebe, na farko a jihar Kano, sai kuma na jihar Neja. Ya ce da sannu a hankali mutane za su fahimci cewa lallai ana bukatar naman shan...
Read more