TAWAGAR GIDAUNIYAR YAZEED TA SAMU YADA ZANGO A MARERI

Yazeed Trust Fund Team

A wannan talatar ne tawagar Gidauniyar (Alh. Yazeed Shehu Ɗanfulani)* ta samu shiga mareri dake shiyar Tudun Wada a nan ƙaramar hukumar mulki ta Gusau jihar Zamfara._
31-03-2020.

Inda wannan gidauniya mai albarka mai ƙoƙarin ganin ta bada tallafi ta kowace fuska, ta samu isa a makarantar malam Lawali a cikin shiyar Mareri domin bayar da tallafi ga makarantar Almajirai don rage raɗaɗin rayuwa. Ko yaushe ƙoƙarin wannan Gidauniya shi ne; taimakon marasa galihu a cikin al'umma.

Haƙiƙa wannan gidauniya karkashin Jagorancin (Alh. Yazeed Shehu Ɗan Fulani Mai Doya Garkuwan Matasan Gusau, Lamidon Tsafe) ta shahara matuƙa wajan ayyukan alheri ba ga ilahirin al'ummar Ƙaramar Hukumar Gusau kawai ba, a'a ayyukanta sun zarce hakan.

wannan Gidauniya mai Albarka mai taken Yara masu Daraja. ta Yazeed Trust Fund, ƙarƙashin ƙulawar (Comrade Rufa'i Bala U&B Salanken Galadima) ta kaiwa makarantar Almajirai masu daraja tallafin Abinci mai rai da lafiya wanda ko ina ana iya cinsa, domin karawa jiki garkuwa, Almajiran sun yi murna sosai da wannan tallafin abinci da suka samu daga wannan bawan Allah. A ƙarshe sunyi addu'ar Allah ya saka masa da mafificin alheri. Haka shima malamin wannan makaranta ya godewa wannan gidauniya da wannan tawaga sannan yayi addu'ar fatan alheri.

Alheri bashi da ƙadan, Mutane nason masu kyautata masu, Allah ma yana son masu kyautata wa mutane.

Nura Mai Apple.

Comments

Babban burinmu a wannan shekara ta 2020

Masana sun ce daga cikin abubuwan da suka sa dan Adam yin galaba a kan sauran halittu shi ne yadda yake iya hada kai. Don mutum shi kadai ba zai iya gwada karfi da zaki ko giwa ba. Amma idan ya hada karfi da sauran ‘yan uwansa babu kalubalen da ba za su iya tinkara ba. Hadin kai kuma ba ya tabbata sai da yarda, kuma yarda sai da mu’amala. Masu hikimar magana sun ce, Allah Ya halicce mu da kunne biyu, ido biyu amma sai ya yi mu da baki daya domin mu kalla, mu kuma saurara fiye da yadda muke magana. Amma sai ya kasance cewa mun fi son yin magana fiye da saurare. Sau da yawa idan muna tattaunawa da wadansu ba ma mayar da hankali kan abin da ake fadi. Kawai jira muke mutum ya kai aya - idan ba mu katse shi ba kenan, domin mu fadi namu ra’ayin. Ga shi kuma ba mu son jin ra’ayoyin da suka sha bamban da namu. To ina za a samu fahimtar juna har a yi aiki tare? Babu wanda rayuwarsa iri ɗaya da ta wani, kowa da irin jarabawar shi, kowa kuma da irin ta shi f...

LABOUR ROOM BLOBAL INITIATIVE KIRA NA MUSAMMAN ZUWA GA MATASA DA 'YAN SIYASA

Duk tarin dukiyarka, ko girman mulkinka ko zamanka basarake, ba zaka taɓa jin daɗin abinda kake taƙama da shi ba, matuƙar al`ummar da kake rayuwa a cikinta ba su zaune lafiya ko da kai ka tsira, kuwa. Shi dama talaka juji ne, duk wani tarin dattin tashin hankali, akansa yake ƙarewa. Da shi ake amfani wajen tashe-tashen hankula, shi ke kisa kuma shi ake kashewa kuma duk masifar da kan biyo baya a kansa ne take sauka. In ko haka ne, haƙiƙa da sake! kenan kowa na matuƙar kaunar zaman lafiya a cikin al'umma, domin sai da zaman lafiya ɗin ne, kowa zai iya morewa, har ya iya rayuwarsa ba tare da shiga tasko ba. A kan haka ne! Ƙungiyar Labour Room Global Initiative haɗin gwiwa da Ƙungiyoyin Jihar Zamfara ke amfani da wannan damar wajan kira ga dukkanin 'yan Siyasa, da ayi siyasa ba tare da gaba ba. Domin in dai har za'a iya zubar da jini a kashe rai a zaɓen fitar da gwani kurrum na jam'iyya ɗaya, to ina ga zaɓen gama-gari da ke tafe? Don haka muna amfani da wannan ...

MUNA JIMAMIN RASHIN 'YAR ADU'A

hakika tarihi ba zai taba mantawa da tsohon shugaban Kasar Najeriya ba, margayi Alh Umar Musa 'yar Adu'a, kasancewarsa duk da baiyi wani dadewa ba a kan karagar jagorancin kasar nan, amma Najeriya ta shedi gwagwarmayarsa, ta fannoni da dama. Idan muka yi la'akari da yadda ya zage damtse wajan fafutikar ganin Najeriya ta zauna lafiya, musamman rikice-rikicen 'yan tawayen Niger-Delta da sauransu. Idan muka dubi fannin samar da ilimi wanda a nan sashen yayi rawar gani, haka a fannin kiyon lafiya da cigaban rayuwa. Lokacin Alh Umar Musa 'yar'adua yana shugaban kasa talakawa da dama sun dara, kasancewar yayi yunkurin ganin kasar nan ta samu cigaba ta kowane fanni. Muna fatan Allah yaji kanshi ya masa rahama ya sanya aljanna ta kasance makoma a gareshi. Najeriya tayi babban rashi. Daga Nura Muhammad Mai Apple Gusau 08133376020

DANDALIN NURA MUHAMMAD MAI APPLE GUSAU

Search This Blog