HALAYYAR KIRKI SABO! Daga majalisar Himma Shayi.

-



Yana daga cikin cikar kamilin ɗan Adam cika alƙawari, yunkurin Gidauniyar (Alh, Yazeed Shehu Ɗanfulani Mai Doya), wajan ganin al'umma sun samu na kansu. Wannan Gidauniya ta samu damar komawa a majalisar Himma Shayi, domin cika alƙawarin da ta ɗauka a siyan sabon injinin yin faci sabo fin ga shugaban wannan ƙungiya ta majalisar himma, dake a mazauni wajan gidan man mai Littafai dake daura da kasuwar kanawa a nan cikin Tudan wada, Gusau babban birnin jihar Zamfara.


Idan dai masu karatu suna biye da mu a cikin wannan makon ne mai ƙarewa wannan Gidauniya ta samu zuwa wannan majalisa ta Himma shayi, in da ta ƙaddamar da Forms ga (Yara Masu Daraja) marayu da kuma marasa galihu a cikin al'umma, 20 da zimmar daukar nauyinsu zuwa makaranta, don bayar da tashi gudunmuwa ta fuskar ilimi abun nema!

A lokacin da gidauniyar Yazeed Trust Fund ta ziyarci majalisar Himma shayi  wajan ƙaddamar da wannan forms ta lura sosai shugaban majalisar wanda kuma shine mai yin sana'r Faci a wajan, injinin da yake amfani da shi wajan daukar nauyin iyalansa ya tsufa sosai, wanda hakan kan kawo masa cikas wajan neman abun sawa ga bakin salati. Gidauniyar ta lashi takobin kawo masa sabon injin domin yayi amfani da shi wajan daukar ɗawainiyar iyalinsa.


A cikin jawabin limamin tafiyar Gidauniyar (Alh Yazeed Shehu Ɗanfulani Mai Doya Garkuwan Matasan Gusau, Lamiɗon Tsafe) wato (Comrade Rufa'i Bala UB Salanken Galadima) ya taɓo muhimman abubuwa inda da farko ya fara sallama sannan ya ci gaba da jawabinsa kamar haka; "Alhamdulillahi a bisa alƙawarin da mu kayi na bayar da wannan tallafi a wannan majalisa  ba muyi ƙasa a gwiwa ba, mun zo domin cika wannan alƙawari, ga wannan shugaban majalisa a matsayin yana uba dattijo kuma shugaba a wannan majalisa sama da shekaru 20 da suka gabata, kuma wannan majalisa ba'a taɓa kamata da wani laifi ba a hukumance, majalisa ce wadda ta tara al'umma mabambanta kamar 'yan siyasa, jinin sarauta, dattijai, matasa, da sauran al'umma".

"saboda haka mun ka dawo wannan majalisar domin cika wannan alƙawari da muka dauka, kasancewar muna da damar yin haka.  saboda haka cike da fatan wannan Genaretor da muka damƙa maka, Allah ya sanya albarka da alheri a ciki, ya sa nan da shekara mai zuwa kaima ka baiwa wani".

A ƙarshe ya godewa wannan majalisar da kuma al'ummar da wannan majalisa ta tara, a bisa wannan gagarumar tarbo da aka samu daga wannan waje, tun daga karramawa da shayi na gaske, da kuma shimfiɗar fuska.

Haka a lokacin da aka bayar da turun magana ga shugaban majalisar ya nuna matuƙar farin cikinsa a bisa wannan namijin ƙoƙari, na bashi wannan abun neman abinci, sannan yayi kira ga sauran 'yan siyasa da masu hannu da shuni da suyi ko'i da halayyar Yazeed wajan taimakon al'umma gwargwadon hali. A ƙarshe yayi addu'ar Allah ya saka masa da mafificin alhari.

A lokacin bayar da wannan kyauta na lura sosai, da bayanai da wani jigo daga cikin dattawan majalisar yayi na cewa, basu  da abinda zasu iya cewa ga Yazeed sai dai fatan alheri, domin ya yi masu halacci da karamci a lokacin suka isa jihar Kaduna wajan gudanar da wasu ayyuka, Allah ya ƙaddara sun kayi kicibis da wajan saukar baƙi na (Alh Yazeed Shehu Ɗanfulani) a jihar  Kaduna, duk da kasancewar su basu san wannan waje na ɗan Zamfara ne ba, amma da Yazeed yaji ance 'yan Zamfara ne, nan take aka shigar da su wannan waje, kuma suka zauna a ciki, har tsawun lokaci da sun ka buƙaci komawa gida. Yace wani babban abun burgewa shine irin yadda wajan an rarraba shi ɓangare-ɓangare kuma an rubuta sunayen wasu daga cikin sunayen sassan jihar Zamfara.

Bayan kammala nashi jawabin wasu da dama sun gabatar da nasu jawaban, daga karshe sunyi addu'a da fatan alheri ga wannan tafiya mai cike da alheri.


Daga yanzu Kowane lokaci, al'ummar majalisar Himma Shayi  A Shirye Suke su bada tasu gudunmuwa, idan buƙatar hakan ta samu!

Daga Nura Mai Apple Media Reporter.

Comments

Post a Comment

Popular posts from this blog

Babban burinmu a wannan shekara ta 2020

-
Image
Masana sun ce daga cikin abubuwan da suka sa dan Adam yin galaba a kan sauran halittu shi ne yadda yake iya hada kai. Don mutum shi kadai ba zai iya gwada karfi da zaki ko giwa ba. Amma idan ya hada karfi da sauran ‘yan uwansa babu kalubalen da ba za su iya tinkara ba. Hadin kai kuma ba ya tabbata sai da yarda, kuma yarda sai da mu’amala. Masu hikimar magana sun ce, Allah Ya halicce mu da kunne biyu, ido biyu amma sai ya yi mu da baki daya domin mu kalla, mu kuma saurara fiye da yadda muke magana.  Amma sai ya kasance cewa mun fi son yin magana fiye da saurare. Sau da yawa idan muna tattaunawa da wadansu ba ma mayar da hankali kan abin da ake fadi. Kawai jira muke mutum ya kai aya - idan ba mu katse shi ba kenan, domin mu fadi namu ra’ayin. Ga shi kuma ba mu son jin ra’ayoyin da suka sha bamban da namu. To ina za a samu fahimtar juna har a yi aiki tare?  Babu wanda rayuwarsa iri ɗaya da ta wani, kowa da irin  jarabawar shi,  kowa kuma da irin ta shi f...
Read more

Zaben 2019: Kungiyar Kabilar Ibo Ta Gindaya Wa Shugaba Buhari Sharadi Mai sauri

-
Image
​ Kungiyar ta gindayawa shugaban kasa sharadi da cewar, in har yana son goyon bayan su a zaben 2019 to sai ya sauya kujerar da mataimakin sa Farfesa Yemi Osinbajo yake kai a yanzu da wani dan kabilar su na yankin Kudu maso Gabashin kasar nan Majiyarmu  ta fahimci wannan sharadi ya zo ne bayan da shugaba Buhari ya yanke shawarar ziyartar jihohin Kudu maso gabashin kasar a makonnin da suka gabata. A wani rahoto da sanadin shugaban kungiyar Chilos Godsent da ya bayyana a birnin Owerri na jihar Imo, ya ce wannan ita kadai ce hanyar da jam’iyyar APC za ta samu goyon bayan su a zaben kasa na 2019. Godsent ya kara da cewa, jam’iyyar APC ta maishe da yankin na su saniyar ware wajen gudanar da shugabancin ta a kasar.
Read more

Nigeria: ‘Dole A Samar Da Wuraren Kiwo Na Musamman’

-
Image
​ A Najeriya, yayin da ake ci gaba da cece-kuce game da dokar hana kiwo da ta soma aiki a jihar Benue da ke arewa ta tsakiyar kasar, ministan noma da raya karkara na kasar Audu Ogbeh, ya shaida wa BBC cewa saboda rikicin da ake yawan samu tsakanin manoma da makiyaya, dole ne a kintsa makiyayan wuri guda, sannan za’a samar da wurare na musamman domin shanu inda za’a basu ciyawa da ruwa mai kyau. Ministan ya ce, idan har aka yi hakan, to su kansu makiyayan ba za su so su yi yawo ba, kuma ko ba komai an kare su daga barazanar masu satar shanu. Dangane da batun kafa dokar hana kiwo a jihar Benue, ministan ya ce matsin lambar mutane ne ya tilasta wa gwamnan jihar kafa wannan doka saboda tashe-tashen hankulan da ake samu tsakanin manoma da makiyaya a jihar. Mr Audu Ogbeh, ya ce nan ba da jimawa ba za’a fara aiki a wuraren kiwo na musamman da aka kebe, na farko a jihar Kano, sai kuma na jihar Neja. Ya ce da sannu a hankali mutane za su fahimci cewa lallai ana bukatar naman shan...
Read more