Gidauniyar Yazeed Danfulani ta dau nauyin karatun yara 20

*YAZEED DANFULANI TRUTS FUND*

_wannan foundation mai suna a sama karkashin kulawar *(Alh. Yazeed Shehu Dan Fulani)* ya ziyarci fadar masarautar Mayana a gundumar Mayana a karamar hukumar mulkin Gusau a jihar Zamfara, domin neman tubarrakin masarautar, hadi da bayyana dukkanin kuduroran wannan kungiya wajen bada muhimmiyar gudunmuwa a bangaren ilimi.

_A lokacin ziyarar an tattauna muhimman jawabai akan kudurin ganin yara masu tasowa sun samu nagartacciyar tarbiyya, da kuma tasowa da kyakkyawar mu'amala a cikin al'umma, kasancewar yaro na kowa ne!_

_Bayan nan an gabatar da yara Kanana Mata da Maza har su Ashirin 20 wadanda an ka dinkawa uniform hadi da basu kayan karatu kyauta da daukar nauyin karatunsu a matakin Primary a cikin gundumar ta mayana._

_Ilimi shine ƙashin bayan ci gaban kowace al'umma a duniya! A dalilin haka yasa wannan *Foundation* ya himmatu wajen ganin yara sun samu ilimi don tallafawa kansu da al'umma._

_Masarautar tayi jinjina ga wannan kungiya hadi da addu'ar Allah ya sakawa wannan bawan Allah da mafificin alheri, haka masarautar tayi kira ga sauran ɗaiɗaikun jama'a da ma kungiyoyi da suyi koyi da wannan kungiyar wajen tallafawa gajiyayyu da marayu da marasa gata a cikin al'umma._

_Bayan kungiyar ta kammala baje kolin abun alherin a gaban masarautar, ta zarce *makarantar Birnin Ruwa Primary School* domin tasa keyar yaran da sun ka amfana da wannan tallafi a gaba don hannintasu ga shugaban makarantar ta birnin ruwa. *Yazeed Trust Fund* tayi kicibus da shugaban makarantar in da shima ya bayyana farin cikinsa a kan wannan kokari, inda yace tun lokacin da ya fara koyarwa a makaranta a shekara 1999 har zuwa wannan lokaci bai taba ganin wata kungiyar da tayi irin wannan nazarin ba, shugaban kungiyar Yazeed Trust Fund Comrade Rufa'i Bala U&B yace wannan kungiya a shirye take ka'in-da-na'in wajan bada tallafi iya karfinsu domin ganin al'umma sun cigaba. Rufa'i Bala U&B yana tare da rakiyar wasu daga cikin shuwagabannin kungiyar da sauran Exco da membobin kungiyar a wajan yin wannan muhimmin aikin alheri._

_Idan dai za a iya tunawa ko ba a manta ba wannan Foundation ya lashi takobin shiga lunguna da suƙunan wannan karamar hukuma domin bada taimako daidai gwargwadon hali. Ko yaushe taken tafiyar dai shine tallafawa yara masu darajja, da wannan muke rokon Allah ta'ala ya sanya albarka da alheri ga wadannan yara yayi wa rayuwarsu albarka._

*Fatan Alheri ga Yazeed Trust Fund*

_*Daga Nura Mai Apple Reporter Media News*_

Comments

Babban burinmu a wannan shekara ta 2020

Masana sun ce daga cikin abubuwan da suka sa dan Adam yin galaba a kan sauran halittu shi ne yadda yake iya hada kai. Don mutum shi kadai ba zai iya gwada karfi da zaki ko giwa ba. Amma idan ya hada karfi da sauran ‘yan uwansa babu kalubalen da ba za su iya tinkara ba. Hadin kai kuma ba ya tabbata sai da yarda, kuma yarda sai da mu’amala. Masu hikimar magana sun ce, Allah Ya halicce mu da kunne biyu, ido biyu amma sai ya yi mu da baki daya domin mu kalla, mu kuma saurara fiye da yadda muke magana. Amma sai ya kasance cewa mun fi son yin magana fiye da saurare. Sau da yawa idan muna tattaunawa da wadansu ba ma mayar da hankali kan abin da ake fadi. Kawai jira muke mutum ya kai aya - idan ba mu katse shi ba kenan, domin mu fadi namu ra’ayin. Ga shi kuma ba mu son jin ra’ayoyin da suka sha bamban da namu. To ina za a samu fahimtar juna har a yi aiki tare? Babu wanda rayuwarsa iri ɗaya da ta wani, kowa da irin jarabawar shi, kowa kuma da irin ta shi f...

LABOUR ROOM BLOBAL INITIATIVE KIRA NA MUSAMMAN ZUWA GA MATASA DA 'YAN SIYASA

Duk tarin dukiyarka, ko girman mulkinka ko zamanka basarake, ba zaka taɓa jin daɗin abinda kake taƙama da shi ba, matuƙar al`ummar da kake rayuwa a cikinta ba su zaune lafiya ko da kai ka tsira, kuwa. Shi dama talaka juji ne, duk wani tarin dattin tashin hankali, akansa yake ƙarewa. Da shi ake amfani wajen tashe-tashen hankula, shi ke kisa kuma shi ake kashewa kuma duk masifar da kan biyo baya a kansa ne take sauka. In ko haka ne, haƙiƙa da sake! kenan kowa na matuƙar kaunar zaman lafiya a cikin al'umma, domin sai da zaman lafiya ɗin ne, kowa zai iya morewa, har ya iya rayuwarsa ba tare da shiga tasko ba. A kan haka ne! Ƙungiyar Labour Room Global Initiative haɗin gwiwa da Ƙungiyoyin Jihar Zamfara ke amfani da wannan damar wajan kira ga dukkanin 'yan Siyasa, da ayi siyasa ba tare da gaba ba. Domin in dai har za'a iya zubar da jini a kashe rai a zaɓen fitar da gwani kurrum na jam'iyya ɗaya, to ina ga zaɓen gama-gari da ke tafe? Don haka muna amfani da wannan ...

A SAMARWA DA 'YAN GUDUN HIJIRA DA MASAUKAI!

A bisa ma'aunin Ilimi da hangen nesa, duk wanda ya baro garinsu, inda komai nasa a ce yake, kamar 'yan Uwansa da abokansa, mahaifansa, wadanda suke a raye da kuma wadanda Allah yayi rasuwa, kuma ya baro abincinsa wanda zaici, ya baro dabbobinsa wadanda ya dogara da su, Kacokan! ya fantsama yayi kaura zuwa wani waje, inda shima kansa bai san inda ya maida gaba ba, ina ganin wannan shine mafi munin tashin hankali da firgici da ɗimauta. A kullum a duk inda ka duba zakaga 'yan gudun Hijira ne birgik a saman tituna suna yawon barace-barace cikin kaskance da takaici, musamman yara 'yan Dagwai-dagwai wasunsu ma basu dade da fara iya tafiya ba, suna neman a taimake su, da abinda zasu ci, wasu daga cikinsu ko takalmin sakawa basu da haka nan suke yawo a Kasa cikin tagaiyara da nadama. Haka idon mukayi la'akari da yadda idon mutun ya saba da wajen zamansa akace ya tashi yabar wurin ba tare da kintsawa ba, yaya yake ji a cikin ransa? A 'yan baya-bayan nan shekaru biy...

DANDALIN NURA MUHAMMAD MAI APPLE GUSAU

Search This Blog