A dakatar ko a tsaftacce sana'ar fina-finan hausa

Yana da kyau gwamnatin Najeriya ta dubi yiyuwar dakatar da sana'ar fina-finan hausa la'akari da yadda take taka rawa wajen gurɓacewar tarbiyyar malam Bahaushe. Ko a dauki matakai na musamman da suka kamata wajen tsaftacceta. mafi yawa daga cikin abubuwan al'ajabi da suke wakana a daidai wannan lokaci, ana kwaikwayon kaso mai tsoka daga cikin fina-finan da ake kallo.

Babbar barazanar da hakan ke haifarwa akwai ƙoƙarin jinginar da al'adar hausawa, haɗi da shi go da wasu baƙin al'adu da suka ci karo da addinin Musulunci ta sigogi mabanbanta.

Irin yadda aka san malam bahaushe da kunya da kamun kai da nuna halin dattako da ɗa'a ga har waɗanda ba kabilarsa ba, amma hakan yana shirin ɓacewa ɓat ! Saboda shigowar wasu baƙin al'adu da muke kalla a cikin fina-finai, yana da matuƙar alfanu a dubi wannan gagarumar matsala.

Mafi yawa daga cikin kaso mai tsoka na fina-finan hausa basu koyama al'umma yadda ake tarbiyya, sai dai nuna yadda ake lalata ta.

Babban abun taikaici ne ace mace bahaushiyya tana iya daukar makami da niyar hallaka abokin zamanta, ma'ana mijinta ko abokiyar zamanta, ba ta tunanin makomarta a matsayinta na musulma, kuma mace wadda ake tunanen samun tarbiyya daga wajenta.

A nan ina magana ne ga fina-finai na hausa kawai, saboda sune namu, kuma ake sarrafawa a cikin mu, kuma kamar yadda suke faɗa suna yi ne, domin inkiya, ko hannunka mai sanda, ko nuni, ko izina a kan faruwar wani abu. Muyi nazari akan illar ba wai abinda ake samu cikinta ba.

Muna kira da babbar murya ga maga'isa da su dubi wannan lamari, kuma suyi nazari a kai domin samun mafita, idan har hana hakan ba zai samu ba, lallai ya kamata a tsaftacceta, domin samun gyaruwar al'umma.

Nura Mai Apple

Comments

Babban burinmu a wannan shekara ta 2020

Masana sun ce daga cikin abubuwan da suka sa dan Adam yin galaba a kan sauran halittu shi ne yadda yake iya hada kai. Don mutum shi kadai ba zai iya gwada karfi da zaki ko giwa ba. Amma idan ya hada karfi da sauran ‘yan uwansa babu kalubalen da ba za su iya tinkara ba. Hadin kai kuma ba ya tabbata sai da yarda, kuma yarda sai da mu’amala. Masu hikimar magana sun ce, Allah Ya halicce mu da kunne biyu, ido biyu amma sai ya yi mu da baki daya domin mu kalla, mu kuma saurara fiye da yadda muke magana. Amma sai ya kasance cewa mun fi son yin magana fiye da saurare. Sau da yawa idan muna tattaunawa da wadansu ba ma mayar da hankali kan abin da ake fadi. Kawai jira muke mutum ya kai aya - idan ba mu katse shi ba kenan, domin mu fadi namu ra’ayin. Ga shi kuma ba mu son jin ra’ayoyin da suka sha bamban da namu. To ina za a samu fahimtar juna har a yi aiki tare? Babu wanda rayuwarsa iri ɗaya da ta wani, kowa da irin jarabawar shi, kowa kuma da irin ta shi f...

A SAMARWA DA 'YAN GUDUN HIJIRA DA MASAUKAI!

A bisa ma'aunin Ilimi da hangen nesa, duk wanda ya baro garinsu, inda komai nasa a ce yake, kamar 'yan Uwansa da abokansa, mahaifansa, wadanda suke a raye da kuma wadanda Allah yayi rasuwa, kuma ya baro abincinsa wanda zaici, ya baro dabbobinsa wadanda ya dogara da su, Kacokan! ya fantsama yayi kaura zuwa wani waje, inda shima kansa bai san inda ya maida gaba ba, ina ganin wannan shine mafi munin tashin hankali da firgici da ɗimauta. A kullum a duk inda ka duba zakaga 'yan gudun Hijira ne birgik a saman tituna suna yawon barace-barace cikin kaskance da takaici, musamman yara 'yan Dagwai-dagwai wasunsu ma basu dade da fara iya tafiya ba, suna neman a taimake su, da abinda zasu ci, wasu daga cikinsu ko takalmin sakawa basu da haka nan suke yawo a Kasa cikin tagaiyara da nadama. Haka idon mukayi la'akari da yadda idon mutun ya saba da wajen zamansa akace ya tashi yabar wurin ba tare da kintsawa ba, yaya yake ji a cikin ransa? A 'yan baya-bayan nan shekaru biy...

ZAMU FADADA SHIRINMU NA YAZEED TRUST FUND MATERNITY CARE.......

Garkuwan matasan Gusau,Lamidon Tsafe wato Yazeed shehu Danfulani Mai Doya Gusau,ya jaddadar da ya zabi yaci gaba da zama hadimin al'umma arayuwarsa tare da bayyanar da kudurinsa akan baiwa lafiya fifiko musamman awannan lokaci da rayuwa ta soma tsada ga rayuwar bayin Allah sanadiyar cutar COVID-19. Lamidon Tsafe Yazeed Shehu Danfulani ya nuna tausayinsa ga yanda al'umma ke samun karancin shigar riba musamman Masu kananan sana'oin hannu,tare da tsaiko akan dakatuwar kasuwancinsu a wajen jahar zamfara(Yan fatauci). Hakan yasa Yazeed Danfulani yabada Umurnin fadada shirinsa na TAIMAKAWA MATA MASU DAUKE DA JUNA BIYU tare da fadakarwa akan hanyoyin kiyaye Lafiyar juna biyu da matakan dauka ayayin renon juna biyu,tare da bada Magunna Fisabilillah da fatar Allah saukar lafiya. Allah karfafa yasakama Yazeed da mafificin alhairi. YAZEED TRUST FUND. Rufai UB Gusau. 08106580400.

DANDALIN NURA MUHAMMAD MAI APPLE GUSAU

Search This Blog