ZUWA GA MABARATAN ZAMANI A SOCIAL MEDIA WAƊANDA SUKA KOMA KARNUKAN 'YAN SIYASA!

Daga Nura Muhammad Mai Apple, Gusau.

Yaɗa ƙarya don samun abin sakawa a baki, babban haɗari ne ga masu aikata hakan da manufar samun na cefane! Labarun bugu wanda ake kira da sunan labarun ƙanzon kurege suna matuƙar cin kare su babu babbaka a cikin wannan zamani da muke ciki.

Duk abinda zakayi sai kayi abisa manufa guda biyu !

1 farko shine; shin abinda kake ƙokarin aikatawa bai ci karo da addininka ba? shin idon har ka aikatashi ba zai jawo maka hushin Ubangiji ba? Idon har ka aikata abin zai amfani wani abu daga cikin addininka ko dai yaya?

2 menene dokokin ƙasa sunka yarje maka ka aikata wanda kuma dokokin sunka baka dukkanin kowace irin cikakkiyar dama. Idon aka samu waɗannan guda biyu a lokaci daya, to zai kyautu ka tsaya waje daya kayi dogon nazari da tunane domin dora kowane daya daga cikinsu abisa ma'aunin hankali sai ka banbance tsakanin aya da tsakuwa.

Sanin kowane musulmi ne da cewa karya tana daya daga cikin abinda Allah Ta'ala yayi hani da ita kuma haramun ce. To micece ribarka idon har kayi karya don kawai abin duniya?

Akwai hanyoyin nema suna da matukar yawan gaske, kuma kowace akwai albarkar da Allah yayi mata. meyasa ka kasa daukar daya daga ciki kayi amfani da ita domin neman halalinka, ka zabi yin karya don neman na kalaci?

Ina matukar jin takaici a duk lokacin da naga matasanmu suna yaɗa karyayyaki a kafofin sadarwa domin kwaɗayin abin duniya wanda bashi da tabbas!

Meyasa baku yin duk mai yiwuwa wajen bazama a kafofin na sadarwa kuna kiran gwamnati ta nemo hanyoyin samar da zaman lafiya da ci gaban ƙasa, domin samar da ingantaccen tsaro wanda ta sanadiyar haka ne zamu samu bunƙasuwar arzikin kasa?

Ya Allah ka ganar da matasa mu su gane gaskiya kuma suyi aiki da ita, don mu gudu tare nu tsira tare.

Copyright Mai Apple Gusau

Comments

Babban burinmu a wannan shekara ta 2020

Masana sun ce daga cikin abubuwan da suka sa dan Adam yin galaba a kan sauran halittu shi ne yadda yake iya hada kai. Don mutum shi kadai ba zai iya gwada karfi da zaki ko giwa ba. Amma idan ya hada karfi da sauran ‘yan uwansa babu kalubalen da ba za su iya tinkara ba. Hadin kai kuma ba ya tabbata sai da yarda, kuma yarda sai da mu’amala. Masu hikimar magana sun ce, Allah Ya halicce mu da kunne biyu, ido biyu amma sai ya yi mu da baki daya domin mu kalla, mu kuma saurara fiye da yadda muke magana. Amma sai ya kasance cewa mun fi son yin magana fiye da saurare. Sau da yawa idan muna tattaunawa da wadansu ba ma mayar da hankali kan abin da ake fadi. Kawai jira muke mutum ya kai aya - idan ba mu katse shi ba kenan, domin mu fadi namu ra’ayin. Ga shi kuma ba mu son jin ra’ayoyin da suka sha bamban da namu. To ina za a samu fahimtar juna har a yi aiki tare? Babu wanda rayuwarsa iri ɗaya da ta wani, kowa da irin jarabawar shi, kowa kuma da irin ta shi f...

LABOUR ROOM BLOBAL INITIATIVE KIRA NA MUSAMMAN ZUWA GA MATASA DA 'YAN SIYASA

Duk tarin dukiyarka, ko girman mulkinka ko zamanka basarake, ba zaka taɓa jin daɗin abinda kake taƙama da shi ba, matuƙar al`ummar da kake rayuwa a cikinta ba su zaune lafiya ko da kai ka tsira, kuwa. Shi dama talaka juji ne, duk wani tarin dattin tashin hankali, akansa yake ƙarewa. Da shi ake amfani wajen tashe-tashen hankula, shi ke kisa kuma shi ake kashewa kuma duk masifar da kan biyo baya a kansa ne take sauka. In ko haka ne, haƙiƙa da sake! kenan kowa na matuƙar kaunar zaman lafiya a cikin al'umma, domin sai da zaman lafiya ɗin ne, kowa zai iya morewa, har ya iya rayuwarsa ba tare da shiga tasko ba. A kan haka ne! Ƙungiyar Labour Room Global Initiative haɗin gwiwa da Ƙungiyoyin Jihar Zamfara ke amfani da wannan damar wajan kira ga dukkanin 'yan Siyasa, da ayi siyasa ba tare da gaba ba. Domin in dai har za'a iya zubar da jini a kashe rai a zaɓen fitar da gwani kurrum na jam'iyya ɗaya, to ina ga zaɓen gama-gari da ke tafe? Don haka muna amfani da wannan ...

MUNA JIMAMIN RASHIN 'YAR ADU'A

hakika tarihi ba zai taba mantawa da tsohon shugaban Kasar Najeriya ba, margayi Alh Umar Musa 'yar Adu'a, kasancewarsa duk da baiyi wani dadewa ba a kan karagar jagorancin kasar nan, amma Najeriya ta shedi gwagwarmayarsa, ta fannoni da dama. Idan muka yi la'akari da yadda ya zage damtse wajan fafutikar ganin Najeriya ta zauna lafiya, musamman rikice-rikicen 'yan tawayen Niger-Delta da sauransu. Idan muka dubi fannin samar da ilimi wanda a nan sashen yayi rawar gani, haka a fannin kiyon lafiya da cigaban rayuwa. Lokacin Alh Umar Musa 'yar'adua yana shugaban kasa talakawa da dama sun dara, kasancewar yayi yunkurin ganin kasar nan ta samu cigaba ta kowane fanni. Muna fatan Allah yaji kanshi ya masa rahama ya sanya aljanna ta kasance makoma a gareshi. Najeriya tayi babban rashi. Daga Nura Muhammad Mai Apple Gusau 08133376020

DANDALIN NURA MUHAMMAD MAI APPLE GUSAU

Search This Blog