Jam’Iyyun APC Da PDP Sun Yi Na’am Da Tsayawa Takarar Shugaba Buhari A Zaben 2019

Jam’Iyyun APC Da PDP Sun Yi Na’am Da Tsayawa Takarar Shugaba Buhari A Zaben 2019 – Rochas Okorocha

Yayin ganawa da kungiyar matasan dimokuradiya a ranar Talatar da ta gabata a fadar gwamnatin jihar dake birnin Owerri, Okorocha ya bayyana cewa, in banda biyu ko uku, dukkanin gwamnoni na jam’iyyu biyun suna goyon bayan sake tsayawa takara na shugaba Buhari a zaben 2019.

A wata sanarwa ta Okorocha da sanadin sakataren gwamnatin jihar mai hurda da manema labarai, Sam Onwuemedo ya bayyana cewa, Ina da cikakken yakini akan shugaba Buhari kuma na zamtowar shi gwarzo wanda zai juyar da akalar shugabancin kasar nan, duba da tarihin da ta tara.

“Babu mutum mafi dacewa da shugabancin Najeriya irin Buhari. Babu lallai a shekarar 2023 ko 2027 ya zamto mafi dacewa, amma a halin da Najeriya take ciki shine kan gaba wajen dacen shugabancin ta.”

Rochas Okorocha tare da Shugaba Buhari
“Yakar cin hanci da rashawa ba karamin aiki bane wanda sai irinsu Buhari ne kadai zasu jure. Tsare-tsaren sa ya sanadin kawo karshen ta’addanci a yankin Arewa maso Gabas, wanda shi kan shi wata jarumta ce ta dab

“Najeriya ta fito daga matsin tattalin arziki cikin kankanin lokaci wanda hakan ya shiga tarihin duniya, kuma duk wannan shi yake nuna irin nagartar shugaba Buhari. Sakamakon haka ne ya sanya na ajiye muradin shugabancin kasar nan saboda na mara masa baya.”

Yayin mayar da martani ga jawaban Okorocha, Sakataren jam’iyyar PDP na kasa Prince Dayo Adeyeye ya bayyana cewa, “gwamnonin mu ba su wata alaka da tsare-tsaren tsayawa takara na shugaba Buhari. Mun riga da mun shafawa Rochas fenti na karairai, saboda haka kar wanda ya dauke shi da muhimmanci.”

Comments

Babban burinmu a wannan shekara ta 2020

Masana sun ce daga cikin abubuwan da suka sa dan Adam yin galaba a kan sauran halittu shi ne yadda yake iya hada kai. Don mutum shi kadai ba zai iya gwada karfi da zaki ko giwa ba. Amma idan ya hada karfi da sauran ‘yan uwansa babu kalubalen da ba za su iya tinkara ba. Hadin kai kuma ba ya tabbata sai da yarda, kuma yarda sai da mu’amala. Masu hikimar magana sun ce, Allah Ya halicce mu da kunne biyu, ido biyu amma sai ya yi mu da baki daya domin mu kalla, mu kuma saurara fiye da yadda muke magana. Amma sai ya kasance cewa mun fi son yin magana fiye da saurare. Sau da yawa idan muna tattaunawa da wadansu ba ma mayar da hankali kan abin da ake fadi. Kawai jira muke mutum ya kai aya - idan ba mu katse shi ba kenan, domin mu fadi namu ra’ayin. Ga shi kuma ba mu son jin ra’ayoyin da suka sha bamban da namu. To ina za a samu fahimtar juna har a yi aiki tare? Babu wanda rayuwarsa iri ɗaya da ta wani, kowa da irin jarabawar shi, kowa kuma da irin ta shi f...

LABOUR ROOM BLOBAL INITIATIVE KIRA NA MUSAMMAN ZUWA GA MATASA DA 'YAN SIYASA

Duk tarin dukiyarka, ko girman mulkinka ko zamanka basarake, ba zaka taɓa jin daɗin abinda kake taƙama da shi ba, matuƙar al`ummar da kake rayuwa a cikinta ba su zaune lafiya ko da kai ka tsira, kuwa. Shi dama talaka juji ne, duk wani tarin dattin tashin hankali, akansa yake ƙarewa. Da shi ake amfani wajen tashe-tashen hankula, shi ke kisa kuma shi ake kashewa kuma duk masifar da kan biyo baya a kansa ne take sauka. In ko haka ne, haƙiƙa da sake! kenan kowa na matuƙar kaunar zaman lafiya a cikin al'umma, domin sai da zaman lafiya ɗin ne, kowa zai iya morewa, har ya iya rayuwarsa ba tare da shiga tasko ba. A kan haka ne! Ƙungiyar Labour Room Global Initiative haɗin gwiwa da Ƙungiyoyin Jihar Zamfara ke amfani da wannan damar wajan kira ga dukkanin 'yan Siyasa, da ayi siyasa ba tare da gaba ba. Domin in dai har za'a iya zubar da jini a kashe rai a zaɓen fitar da gwani kurrum na jam'iyya ɗaya, to ina ga zaɓen gama-gari da ke tafe? Don haka muna amfani da wannan ...

A SAMARWA DA 'YAN GUDUN HIJIRA DA MASAUKAI!

A bisa ma'aunin Ilimi da hangen nesa, duk wanda ya baro garinsu, inda komai nasa a ce yake, kamar 'yan Uwansa da abokansa, mahaifansa, wadanda suke a raye da kuma wadanda Allah yayi rasuwa, kuma ya baro abincinsa wanda zaici, ya baro dabbobinsa wadanda ya dogara da su, Kacokan! ya fantsama yayi kaura zuwa wani waje, inda shima kansa bai san inda ya maida gaba ba, ina ganin wannan shine mafi munin tashin hankali da firgici da ɗimauta. A kullum a duk inda ka duba zakaga 'yan gudun Hijira ne birgik a saman tituna suna yawon barace-barace cikin kaskance da takaici, musamman yara 'yan Dagwai-dagwai wasunsu ma basu dade da fara iya tafiya ba, suna neman a taimake su, da abinda zasu ci, wasu daga cikinsu ko takalmin sakawa basu da haka nan suke yawo a Kasa cikin tagaiyara da nadama. Haka idon mukayi la'akari da yadda idon mutun ya saba da wajen zamansa akace ya tashi yabar wurin ba tare da kintsawa ba, yaya yake ji a cikin ransa? A 'yan baya-bayan nan shekaru biy...

DANDALIN NURA MUHAMMAD MAI APPLE GUSAU

Search This Blog